اوپن یونیورسٹی کا آئندہ سمسٹر سے طلبہ کو درسی کتب آن لائن فراہم کرنے کا فیصلہ
علامہ اقبال اوپن یونیورسٹی نے طلبہ کی سہولتوں میں اضافے کے لئے ایک اور اہم قدم اُٹھاتے ہوئے آئندہ سمسٹر سے طلبہ کو درسی کتب آن لائن فراہم کرنے کا فیصلہ کیا ہے ٗ جو طلبہ آن لائن کتابوں کا انتخاب کریں گے ٗ یونیورسٹی انہیں فیس میں رعایت بھی فراہم کرے گی دیگر طلبہ کو درسی کتب پہلے سے رائج طریقہ کار کے مطابق بذریعہ ڈاک ارسال کی جائیں گی "یہ فیصلہ ویڈیو کانفرنسنگ سسٹم کے ذریعہ منعقدہ ایک روزہ ریجنل ڈائریکٹرز اجلاس میں کیا گیا، صدارت کرتے ہوئے وائس چانسلر ٗ پروفیسر ڈاکٹر ضیاء القیوم نے کہا کہ طلبہ کو بہترین خدمات کی فراہمی کو یقینی بنانے کے لئے یونیورسٹی کے دفاتر کو مزید مفید اور متحرک بنائیں گے اور علاقائی دفاتر کی تمام جائز ضرورتوں اور مطالبات کو ہنگامی بنیادوں پر حل کریں گے۔
Posts
0 Comments